Instalación de calefacción de gas natural

Dende que naceu Bruno, naceu en min tamén un sentimento de protección moi forte. A cadeira de coche máis segura, os xoguetes que pasen estritos controis, os mellores biberóns anticólicos, mesmo a crema do cuíño máis protectora para a súa pel… Así que, estando embarazada de 7 meses, decidimos instalar o gas natural. Dános a comodidade que tanto necesitamos nun momento coma este, calefacción en todos os recantos da casa e auga quente sen interrupcións para eses primeiros baños de Bruno tan especiais.

Pero iso non é todo. Tamén antes de instalalo, lin —e máis tarde o confirmei co pediatra—, que é importante procurar que bebés e nenos respiren un aire limpo, xa que son moi vulnerables… Segundo me estiven a informar, o gas natural reduce moito as emisións contaminantes. Quizais algunhas persoas non caian niso, pero nós vivimos na cidade e a verdade é que nos sentimos máis tranquilos ao pensar que estamos utilizando unha enerxía que pode colaborar en mellorar o aire que respiramos, tanto nós coma Bruno.

Ademais, o gas natural permítenos aforrar. Pagamos só o que consumimos e iso cáenos coma o mel ás papas porque, dende que naceu Bruno, gastamos un montón!